3G rules… ou non rules
Comezo a experimentar realmente que carallo é isto da “Ubicuidade”, ainda que hai moito de publicidade e a realidade é, como sempre, un pouco menos marabillosa de como a pintan. Polo mundo adiante hai moitas redes Wifi abertas, máis por descuido que por opción, aínda non somos tan libertarios como para abrir o noso acceso a t0′quiski, ¿non sí? Pero o cacharriño que no traballo me pasaron fai cousa dun mes comeza a funcionar. Segundo en que lugares teño moita cobertura, no centro da cidade dos museos non teño problema para coller 2,5G, pero moi poucas veces collín 3G. No aeroporto (dende onde posteo) teño cobertura, pero dende un pouco máis abaixo xa non hai nada de nada. Mañá probarei en Pontevedra, onde un congreso sobre sociedade da información e os seus retos para o desenvolvemento das sociedades menos avanzadas economicamente serve de excusa para voltar á casa, á praia, ao mar.
