Look 07
é unha cita inescusabel dentro do calendario de eventos do outono. O Salón Look de Perruquería é, xunto coa cita de BCN, unha das máis importantes do sur de Europa. Esta findesemá fumos alá, a Ifema, a xuntanos e sentarnos cos perruqueiros e perruqueiras e tiramos algunhas conclusións:
Victoria Beckam fixo moito dano á moda ibérica: o seu corte “Melena despuntada corta de atrás e longa de diante” arrasou. Estatísticamente foi, significativamente, o corte que un maior número de peluqueiras levaba, en calquera das súas versións. Por outra banda, uns pantalóns dos 80′ que chegan ate case o peito e tamén vencellado a Victoria foi unha das curiosidades das asistentes.
O outro corte de moda entre as profesionais é o que levan as xemelgas de gran irmán. Pelo longo, flequillo cortado recto e, nalgúns casos, algo de fantasía nos laterais: con laca e plancha márcanse bucles.
No que atinxe aos expositores, cabe reseñar a importancia que cada vez adquiren as franquicias. Marco Aldani (coas suas distintas marcas: Jofer (do pai), ADN, Revolucion (creo que é así) arrasa no mercado, pero as franquicias de fora cada vez entran con máis forza: CHS London ou Matrix (usa) son dous bós exemplos do sector. CHS son salóns moi modernos, con música House a todo volume e non se suben á parra co prezo. Tiran moito do rollito “london” e obrigan aos perruqueiros a vestir de xeito rariño, abundan tatuaxes, piercings e demais. Polo contrario, Matrix tira máis do salón convencional americano: conservador, estética coidada ao “felices anos 20″ e unha imaxe de salón que non invita a cambiar o look, máis bem todo o contrario.
Polo demáis todo igual que sempre. Moitas extensións con avances nas colas, máis sinxelas de pegar/despegar. Planchas microscópicas que alisan ate o pelo dos afroamericanos… (chamoume moito a atención que empregaban a esta xente como demostración do que é capaz de facer unha boa plancha: unicamente con un pouco de desrizante en puntas é capaz de alisar un pelo curto en… 40 minutos!!!). Moitos avances en pedicura e relax, de feito unha boa extensión de ifema estaba ocupada por máquinas de masaxes.
Pero o que máis fala, como case sempre neste casos, son as ausencias:
- Acabou, definitivamente, o boom do solarium. Nin un só stand adicado a estes aparellos.
- Chocoume non mirar ningún stand de depilación por laser: moitos avances en cera quente/fría, pero nada de laser (?)
- Ausencia das primerias marcas!! Non estaba Wella, nin Loreal por poñer dous exemplos ¿XQ?
En fin, rematou a findesemá da estética e voltamos á usabilidade, sniff…
