As voces da miña infancia
A miña infancia está poboada de seres extranos, algúns con mais sona que outros…. pero entre Seixo e Ardán viven unha morea de xentes que van moito máis aló do común. Lucas, Seso da Cacharola, Molina, Vladimir… e John Balan. Aos que teño máis preto son a Seso e a Molina… a Balán recordoo amenizando o autobus ou o trole, falando el só en inglés. Unha rapaza ianquí pasou uns días pola casa dun familiar e ao decatarse da súa nacionalidade, no autobús, o comedor de fanecas (na terra dos comedores de patacas) toleouna falándolle en inglés, falándolle de NovaIorque… da 5ª Avenida, da estatua da Liberdade. O gran Balán, que cando non ía de uniforme tentaba pasar desapercibido coas súas botas de cowboy e unha gorra coa bandeira das barras e estrelas.
Unha voz que se apaga, a do vaqueiro de marín que vivía en Seixo.
